Cha's Try

The Ztyle – http://chatrytry.theztyle.com

Beautylife - http://www.beautylife.hk/?90236

2013年10月26日星期六

偽妝無野既Benefit FakeUp

Benefit FakeUp

雖然Cha平日都係以淡裝為主, 但有時生理期或者唔夠瞓果時,出左D好討厭既暗瘡同黑眼圈時, 都要用下遮暇產品加強遮丑。

曾經試過一D大牌既液狀遮暇產品, 心想用係眼底易出紋既地方, 話晒都水感重D, 應該都可以吧?! 不會出乾紋吧?! 但好多時Cha都係失望而回, 用左幾次就已經將佢地打入冷宮, 直至一日大掃除時消滅左佢!

最近Cha多數用Benefit FakeUp, 係一支好似唇膏咁既Concealer Stick, 發現同之前試過既遮暇產品唔同。

Cha 所用既係02 Medium

一見支FakeUp個樣, 可能會估佢會好厚, 好難推開, 但試過就會馬上改觀! Fake Up係一支兼具保濕及遮瑕作用既遮暇產品，不會起皺、龜裂或堵塞毛孔。

Fake Up 分開2層 (真係好似糖心潤唇膏) –

外層: 乳白色既係佢既保濕成份, 蘊含維他命E及蘋果籽精華, 可即時提升肌膚水份。

中間: 肉色夾心有效遮蓋黑眼圈及撫平細紋, 以光折射原理讓你的肌膚看起來柔滑細緻。

用後細紋淡了, 變得不明顯, 但不會出現淺色了一撻撻既情況

FakeUp既遮暇效果很好, 除左用係眼底遮蓋黑眼圈, Cha仲用佢係D毛孔較粗大既地方同埋暗瘡位, 而且唔覺厚重, 仲一整日都唔會出油出紋。用法又好簡單, 只需係問題位置點上或者畫一下, 再用手或者掃輕力推開。由於佢質地好輕, 好滑, 好易就已經可以同粉底融合, 唔會淺色一撻撻。

Cha’s Blog:

The Ztyle – http://chatrytry.theztyle.com

Beautylife - http://www.beautylife.hk/?90236

2013年10月25日星期五

飲飽食醉於German Bierfest 2013

每年一度既德國啤酒節又開始左嘞~ 原來今年已經係第22屆! Cha年年都想去但一次都去唔成, 今年終於去左啦~~~ 仲要係免費入場任飲任食果種, hehe~~

西門子包場

其實Cha一向唔好啤酒呢類有汽既飲品, 不過聽聞氣氛好好, 又好熱鬧, 所以一直都想去感受下個氣氛!

大大隻德國啤酒杯

如同往年, Bierfest係Marco Polo Hotel 6樓停車場舉行。一到入口就已經有職員派發一隻勁重德國啤酒杯, 朋友話同去年一樣樣, 不過Cha就話唔同, 因為隻杯印左2013架嘛! 初頭仲諗 ”下, 用呢隻杯? 有無洗過架, 乾淨咩?” 之後就知係自己大鄉里左, 人地係有膠杯黎裝啤酒既, 好多人都套杯野飲落隻杯度扮下野咁!

好味德國豬手

各式各樣德國美食

現場佔左好大面積, 分帳篷同露天位, 有多個富有濃厚德國風味既食品灘位, 有各類肉食, 燒豬骨, 燒春雞, 羊髀, 牛肉, 香草三文魚等, 當然唔少得最出名既德國燒豬手同各式各樣既燒香腸啦, 唔想食咁多肉既就可以試下雜菌酥皮盒, 每一樣都配有德式side dish, 例如豬手配白汁焗薯片同紅椰菜, 燒香腸配薯蓉酸椰菜。Cha樣樣都想試, 可惜肚皮有限, 最後只好放棄羊髀同牛肉。除左主食, 仲有甜品, 如Cheese cake with berries, black forest cake, fruit tart, 焗酥皮蘋果卷, 仲有Movenpick 雪糕。當中Cha覺得最好味既係豬手, 燒香腸同焗酥皮蘋果卷。

仲有多款甜品同Movenpick雪糕

當然, 啤酒先係主角!!! 啤酒有三款, 有Lowenbrau, Beck, 同啤酒節限量版Lowenbrau Oktoberfestbier。攪笑既係原本飲唔到多, 只想要2杯啤酒, 但啤酒小姐熱情地話要比一Jar我地, 話好快飲晒…. 結果當然就係飲唔晒, 仲試唔晒三隻啤酒…… 唉…. 事實係要堅持既!!!! 但唔好以為得啤酒喎, 如果唔好啤酒, 仲有紅酒, 白酒, 唔飲酒既, 都有果汁, 汽水, 有氣礦泉水供人選擇。

靚到暈既夜景

Cha坐係露天位, 吹住海風, 望任靚到暈既夜景, 一邊嘆美食同飲住凍冰冰啤酒, 仲有Live band, 過左一個愉快既晚上! 如果唔係星期四晚, Cha應該會飲多D, 再盡慶D, 哈哈~

German Bierfest 2013 舉行日期由10月25日至11月16日

入埸費:

星期日至四 (6:00pm-11:00pm)

成人HK$130包啤酒一杯, 小童HK$100 包無酒精飲品一杯

星期五,六 (6:00pm-11:30pm)

成人HK$240包啤酒一杯及啤酒節啤酒杯一個, 小童HK$120 包無酒精飲品一杯

用八達通係灘位買啤酒, 仲好似有買一送一。比錢時可以問下喎。

Cha’s Blog:

The Ztyle – http://chatrytry.theztyle.com

Beautylife - http://www.beautylife.hk/?90236

2013年10月15日星期二

14天La Roche-Posay抗敏之旅

Cha有幸獲選參加法國敏感肌膚權威La Roche-Posay的14天抗敏之旅, 獲得溫泉舒緩噴霧 Thermal Spring Water 50ml裝一支及抗敏全效修護面霜Toleriane Ultra 2ml裝15支。

溫泉舒緩噴霧Thermal Spring Water有效舒緩敏感、鎮靜肌膚、延緩老化、抗自由基。微細噴霧水珠迅速滲入肌膚，帶來速效果舒緩。用法只需噴於臉上靜待2至3分鐘，然後輕輕拍拭。適合敏感或容易受外界因素(陽光、護膚品等等)刺激的皮膚。成份為100% La Roche-Posay溫泉水。依據官網資料, La Roche-Posay溫泉水獨具硒微量元素及礦物質組合，被證實具多種療效，包括舒緩、柔滑肌膚及抗自由基等特性。

抗敏全效修護面霜Toleriane Ultra

抗敏全效修護面霜Toleriane Ultra能即時為極敏感或過敏性肌膚帶來持久深層舒緩, 每日早晚使用, 日復日，改善皮膚敏感問題，肌膚持久舒適。可塗於面部及頸部。面部、眼部亦同時適用。當中活性聚合胜肽抗發炎作用，有效舒緩改善皮膚敏感症狀。滋潤、柔滑皮膚同時修復皮膚自然屏障功能，防止敏感惡化。同溫泉舒緩噴霧Thermal Spring Water一樣蘊含La Roche-Posay溫泉水, 具舒緩及抗自由基功效。無添加簡約配方，排除所有潛在的刺激或導致過敏的物質：不含防腐劑／Paraben／香料／酒精／色素／羊毛脂

據職員指示, 用法首先係清潔面部, 塗上爽膚水, 之後全面均勻地噴上溫泉舒緩噴霧。於塗上抗敏全效修護面霜之前,可按個人習慣及喜好加上精華素。

溫泉舒緩噴霧Thermal Spring Water嚴謹配方宗旨將皮膚過敏可能性減至最低，適合成人、甚至嬰孩都可使用。溫泉舒緩噴霧噴上面感覺清涼,如果當皮膚敏感既時候, 可有效舒緩不適感。Cha問過職員是否可以全日任何時間使用, 職員表示可以, 用法係將佢噴於面上, 待幾秒後用面紙輕輕印去多餘水份。Cha覺得當中午出去食完Lunch, 好熱果時, 用佢黎噴一噴, 醒一醒神都唔錯。

溫泉舒緩噴霧水珠平均

抗敏全效修護面霜Toleriane Ultra係無味白色乳霜狀, 質地非常軟滑! 軟滑得好似雪X牛油! 由於質地軟滑, 所以很容易推開, 而且吸收亦算快。搽上面後會感覺有一層膜係面上咁。應該就係呢種質感,可長時間為敏感皮膚提供保護同滋潤吧! 如果係日間化妝前用, 建議要留意比多少少時間佢吸收再開始化妝會比較好。

無味白色乳霜狀, 質地非常軟滑

塗後皮膚變得有光澤

Cha平日皮膚唔算太敏感, 只是間中鼻同面珠有D泛紅, 很少脫皮既情況。目前試用左呢個抗敏組合一個星期, 仲未夠14日, 係呢個秋天接近冬天, 開始乾燥既時候, 泛紅情況暫未出現, 可能都同用左佢地有關吧。

多謝La Roche-Posay 是次提供產品試用。

免責聲明:

以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊, 請直接聯絡該品牌查詢或∕ 和尋求相關專業意見。

Cha’s Blog: