[試用] 點點金粉果凍面膜 – 韓國DDK Ultra V Gold Mask

[試用] 點點金粉果凍面膜 – 韓國DDK Ultra V Gold Mask

 

近年韓國護膚品盛行, 韓國面膜更多到如天上繁星, 各式各樣既質地都有, 例如cream, gel, 紙既, 免沖水, 敷過夜既sleeping mask。今次Cha要介紹一種來自韓國,果凍質地既面膜 - DDK Ultra V Gold Mask。

呢張mask係Cha參加完event後既禮品之一, 嘗試上網search下多D有關資料, 可惜搵唔到D咩……. 唯有按佢包裝上既資料盡量描述啦…….

(有關event 博文 "Zcoop Magazine X Slim Beauty Medical “注”顏有術時尚坊"  http://chatrytry.blogspot.hk/2013/10/zcoop-magazine-x-slim-beauty-medical.html)

 

點點金粉果凍質地既面膜 

單聽個名, 都估到佢係用黎V面既, 而個名叫Gold Mask, 估唔到張mask打開左之後真係有點點金粉係果凍質地既面膜裡面!

 面膜聲稱可保濕, 舒緩及亮白皮膚, 而且可提升皮膚彈性. 用法係將面膜敷於面上25-30分鐘, 之後無需清洗, 只需將面上精華按摩至吸收, 再照平日護膚程序塗上護膚品就好。

打開包裝袋, 果凍面膜由一張白色同透明膠片夾住有點點金粉既果凍面膜, 淡淡的味道, 精華唔算多, 取出面膜時有幾滴好水狀既係膠片度滴左出黎。果凍面膜本身好有重量, 敷上面都有D”墜”。

 

面側, 鼻兩側, 鼻頭, 下巴位置面膜都未能貼伏皮膚 

面膜比較厚同硬, size較大一片, 眼位同咀位有預留三個洞位, 但剪裁唔立體, 唔太適合Cha既面形,好多位置都唔夠貼服, 如鼻兩側, 鼻頭位置, 面側, 下巴都會拱起左。但額頭, 面頰既位置就非常貼服, 直情係好似伏係皮膚上咁! 敷敷下發現面膜會愈來愈貼, 原來係個面膜會縮細架!!! 可能係D精華比皮膚吸收左, 果凍面膜會變薄同縮細?! Cha將原本係咀位置既果一片面膜敷係手, 用眼線筆圈住佢, 過左20分鐘後, 佢真係縮左一圈架!

20分鐘後面膜縮小

剛開始時既果凍面膜

  

  

敷後(圈內位置)皮膚比較淨白, 細緻度有所提升

效果方面, 起膜後留係面既精華唔多,水潤既感覺唔明顯。但見膚色有平均白淨左, 有點點既Lift up效果, 但唔係好amazing咁”WOW”一聲果種, 但皮膚既細緻度有改善。Cha前一晚試用後就去左瞓, 第二朝起身面部無平時咁浮腫, 唔知有無關係呢?!

DDK Ultra V Gold Mask係個好特別既面膜, 但由於Cha唔知佢幾錢同邊度有得賣, 今次只係單純想寫一下用後感。多謝你睇到呢一行, :-p

免責聲明:

以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊, 請直接聯絡該品牌查詢或∕ 和尋求相關專業意見。

Cha’s Blog:

Blogspot - http://chatrytry.blogspot.com

She.com - http://blog.she.com/chatrytry

My Sina - http://chatrytry.mysinablog.com

The Ztyle – http://chatrytry.theztyle.com

Beautylife - http://www.beautylife.hk/?90236