Moa The Green Balm

購自網上既萬用balm, 自稱純天然, 任何地方任何時間都可以用. 只要係覺得有需要, 不論係乾定敏感. 甚至用黎落妝都得( ?!) 睇人地既review, 有人更會用黎塗係眼睫毛當修護又或是用作Eye balm!

因為佢標榜100%天然, 所以好自然去特別聞下佢陣味. 因為Cha試過好多標榜天然既balm, 不論係萬用或是lip balm, 好多時都有個共通點 -- 有陣臘味. 再唔係就用薰衣草一類濃味既香味去蓋住陣臘味, 而Cha本身好唔接受呢種味道. 好彩呢個The Green Balm無臘味亦做到真係無味.

再睇balm本身, 望落同一般既balm無咩分別,好似好硬要用溫度略略溶化先拎到黎用. 但估唔到佢好軟身, 定因為而家天氣仍然偏熱愜`令個Balm有D溶, 總之好軟, 好而一下子取得過量. 

質地好軟滑

Cha目前只試左其中2樣用法, 落妝同Lip Balm.

落妝 -- 無錯佢係可以落到眼妝, 粉底. 而且都幾乾淨, 唔會油淋淋同澀眼, 但係一樽大SIZE The Green Balm 50ML 要英鎊9.99, 即係港幣約120, 日日用黎落Full makeup的話, 可能2星期就用完. 係呢個角度睇, 又不至於要用佢係落妝喎, 有好多其他選擇.

Lip Balm/ Lip Mask -- 由於佢好軟身, 好滑, 塗上咀好快溶入皮膚. 而佢最令Cha驚喜既係, 佢可以好溫和地軟化死皮, 輕輕一抹已經可以抹走大部份死皮. 當Lip Mask用都好好. 不過, 因為佢好軟滑, 份量要自己好好調節一下. 開初幾次Cha未掌握到個份量, 溶到出晒界, 咀邊周圍都係. 但因為佢用係邊度都可以, 所以Cha將多餘既拖開就算嘞.

若果之後有試其他用法, 再分享~

Cha’s Blog:

Blogspot

She .com

My Sina

The Ztyle