12蚊店精選 – 眉GEL (Eye Brow Coat)

12蚊店精選 – 眉GEL (Eye Brow Coat)

朋友推介左一排既12蚊店精選貨品, 眉GEL - Eye Brow Coat, 終於係同事既幫忙之下係佐敦分店買到嘞.

朋友大力推介原因之一係佢係同左佢, 試過係泰國按摩比人按頭同眉之後, 條眉依然保持到, 無變左無眉人.

呢支Eye Brow Coat係透明液體狀, 好似一支指甲油咁. 一開始Cha都擔心會唔會似膠水, 唔小心一用多左會唔會一餅野. 用好懷疑既心情去試用.

Cha本身既眉唔算淺同唔稀疏, 唔畫眉出街都不至於唔見得人. 但係覺得堂眉畫得啱,畫得好, 係可以改善到面既整體感覺既. 如果唔係就唔洗修眉啦, 由佢一堆野又睇下得唔得?!所以都會出街前用淺啡色眉筆執返個眉形同補一補色.

去正題, 畫好左堂眉先啦當然, 首先將Eye Brow Coat掃頭係樽口括一括, 將多余既Eye Brow Coat括走, 再順住眉毛既方向, 薄薄地掃一層, 唔係來回掃. 好, 等一陣, 等佢乾. 未乾就唔好捽佢, 如果唔係就無左個效果. (Cha就無試過去未乾就捽幾下呢種挑機既行為).

首先眉形變得清晰左, 可能同GEL頭髮原理一樣啦. 顏色會比未用前深少少, 建議唔好用太深色既眉筆/粉黎打底, 有機會變得太深色.

Cha一向朝早畫完就無習慣補眉(其實係無補妝既習慣), 無用Eye Brow Coat前,放工時已經等如無畫眉咁. 而有用之後,顏色同眉形比無用前keep得好d, 放工都仲有返個形同色.

呢支Eye Brow Coat平平地, 都做到基本要有既效果, 買黎日常用下都真係幾值得推介. 

Cha’s Blog:

Blogspot

She .com

My Sina

The Ztyle