2013年9月28日 星期六

Mascara篇

Mascara篇

茶目前Mascara存量比之前不算太多 :-P


相信好多女士們同Cha一樣有個習慣, 就係去旅行好多時都會買下護膚品, 化妝品之類既野返屋企, Cha有時更加係酒店時已經忍唔住開黎玩! Cha既偏好呢, 護膚品方面就係MASK面膜之類, 化妝品呢, 就係Mascara睫毛液嘞!

不論係咩功能類型既睫毛液, 增長又好, 濃密又好, Cha一定係用黑色既, 而且有防水同唔防水, 就當然一定要防水架啦. 唔明點解以前有D品牌同款睫毛液要比防水同唔防水既比客人選擇? 有選擇的話, 誰會選一支不防水睫毛液呢?!


前陣子清理化妝品時清走了很多已太耐和不好用的睫毛液. 現時仲係化妝箱既有8支睫毛液, 4支用緊, 4支未開. 就講下用左既先.

Mascara In Use


Maybelline Lashionista –
近日最常用既係Maybelline Lashionista. 買佢原因係佢剛推出時有2Blogger同期都係YouTube拍片介紹佢, 雖然係片中2位為左突出Lashionista既賣點: Endless Length Obsession無限延長而特別塗上多層以顯示效果. 但反而令睫毛出現少少曱甴腳既情形, 但都足以令Cha忍唔住隔2日就去萬0買左佢返屋企.

Cha平日化淡妝為主, 只要佢可以延長同唔會溶到周圍係就已經好滿意嘞. 而且佢卸妝起黎亦好方便, 只要用暖水就可以. 而由於佢主要係延長, 所以睫毛液中含有纖維, 卸除時會有一條條, 一絲絲既野, 并不是好似其他咁好似油咁溶解左.

Lashionista纖長效果好出色, 但未覺有濃密效果. 另外要留意佢無話自己係Waterproof防水的, 落雨時可能要留意下啦. 但平日一般情況下, Cha經過一整日都無變左隻Ms Panda.

Bobbi Brown Intensifying Long-Wear Mascara –
呢支咁迷你既版本, Cha係祟X感謝日買package連同在內既. 一向都唔聽聞Bobbi Brown既睫毛液好出色, 因為多數都係讚佢既粉底,胭脂一類既產品. 睫毛液真係好少有人提.

呢支睫毛液係以纖長為主, 同樣都係有一絲絲纖維係入面,亦都係易卸的. 不過比起Lashionista, 佢既延長無咁出色, 而卷曲效果亦不及Lashionista般明顯. 所以ChaLashionista後就較少用.

Majolica Majorca Hope my Lashes are Full and smooth—
MJ既睫毛液好多人都推介, 呢支Hope my Lashes are Full and smooth已經係約2年前係臺灣旅行時入手的. 只係放到最近發現就到期即刻開黎用下.

呢支睫毛液係梳型刷頭, 好處係可以將睫毛液密集式咁上睫毛, 而佢地係一支豐盈效果既睫毛液, 所以塗上後好黑, 好明顯, 比較配合較全面既妝容. 唔知係放得耐了有點不新鮮, 塗上時比較易有結塊. 而且質地比較厚.

Majolica Majorca Lash Gorgeous Wing –
呢支係4支入面最早好的. 一直都愛它兼備纖長同濃密效果. 而且防水防油同樣出式. 雖然係螺旋刷頭, 無梳型刷頭般可將睫毛液上睫毛. 但都可以有濃密效果. 睫毛液質地適中易塗, 不易出現結塊.


但由於MJ既睫毛液在防水防油方面真的非常出色, 所以落妝時要花多一點時間同耐心, 而且要用清潔力強勁既卸妝油去卸妝.所以於日常時間, Cha較偏好用易卸既睫毛液

Brand New - To be used, haha...


還未開封既睫毛液有:

英國Soap & Glory Thick & Fast Mascara –
螺旋刷頭, 盒面寫係Volumn, Intensity, Length, Definition, Curl字眼, 好似似乎係全能咁, 下一支要試既會係佢

Majolica Majoca Lash Expander Frame Plus —
梳型刷頭, 估計係介乎於Hope my Lashes are Full and smoothLash Gorgeous Wing之間既睫毛液

Bare Minerals Flawless Definition Curl & Lengthen Mascara —
數月前於網上買Bare Minerals Foundation Kit SetPackage既其中一員, 之前於Counter試過, 感覺一般,所以不急於試玩

英國Mii Intensifing Lash Lover –
Mii係一個英國牌子, Cha未有十分了解, 呢支係Cha妹妹帶回來給Cha玩的.


最後, Cha經常都有個疑問, 就係一支睫毛液份量雖不算多, 但眼睫毛得果幾條, 面積亦不大, 睫毛液容量比睫毛數量比例上差很遠吧…. 而一支眼睫毛官方建議係開封一個月就要換新既(衛生問題?!). 一個月!!一般用家, 唔計化妝師, 有幾位真係可以用完一支嗎?!!!要用完一支先開一支, Cha來說真的很難啊!

5 則留言: