2013年10月1日 星期二

香噴噴天然純香薰油

以前係英國讀書一直有點香薰既習慣, 但返香港之後, 出左黎做野就無左呢個習慣.

當時係英國時用既主要係調配好既, 最愛用Body Shop既香薰油, 例如Calm Water, Cotton White, Green Tea, Cranberry, White Musk. 就算用純味既如薰衣草, 佛手柑都係含有其他底油已被稀釋的.

今次為左驅趕屋企有如千軍萬馬既螞蟻(!!), 但礙於家有兩位年過70既寶, 唔方便用煙霧殺蟲,又唔想用化學野如殺蟲水.朋友於是推薦試下用香薰油驅蟲, 但首要係!

由第一輪買黎驅蟲既係: Pine + 茶樹 Tea Tree + 尤加利 Eucalyptus

Pine開黎聞就係一陣好熟悉既味- 滴露味! 尤加利 Eucalyptus聞落都好舒服,對氣管好, 特別係長者. 茶樹 Tea Tree味道好濃, Cha自己就唔多鍾意, 不過三隻味混和左都可以接受.


因為唔係用香薰爐點, 只係滴D油係香薰石上, 驅蟲成效唔係好明顯, 只係放有香薰石既位置附近少左螞蟻既出現, 唔可以令佢地完全係屋企消失.

但由呢次開始, 茶又開始返點香薰爐既習慣, 而家存用既香薰油有以下幾款, 一律係黎自Julia Pure Essential Oil 既出品:

Pine, 茶樹 Tea Tree, 尤加利 Eucalyptus, 薰衣草 Lavender, 佛手柑Bergamot, 羅勒Basil, 甜橙Sweet Orange

薰衣草 Lavender+佛手柑Bergamot+羅勒Basil = Relaxing



最近常用既配搭係 薰衣草 Lavender+佛手柑Bergamot+羅勒Basil. 點解加羅勒?! 呢個竅門係Cha朋友分享比Cha, 羅勒有效加強同提升薰衣草同佛手柑既味道. Cha一開始份量比例控制得唔好, 落得太多, 反而太搶. 而家最愛既比例係10滴薰衣草+8-10滴佛手柑Bergamot+1-2滴羅勒Basil.


Julia Pure Essential Oil全線都係天然香薰油, 而且只需混和適合份量既底油, 如甜杏油, 便可以搽上皮膚以達至某種功效. Cha暫時未有購入底油來用, 不過明白到由氣體吸入身體, 都係要純淨為好, 以免未達至某個功效就已對身體有害嘛.


各種香薰油的功效與注意事項


如想知道邊度買到純香薰油, 歡迎 Email Cha: chatrytry@gmail.com


Cha’s Blog:

1 則留言: